അവള്‍

അവള്‍ ..
നിരാലംബതയുടെ ആഴക്കണ്ണീര്‍ തുള്ളി
പൊഴിയുമ്പോള്‍ അഗ്നികണം .
എന്നെ ദഹിപ്പിക്കുന്ന വിശുദ്ധി
എന്നെ ഓമനിപ്പിക്കുന്ന
ഒരു നര്ത്തന സാന്നിദ്ധ്യം
അവള്‍ ..
പൊട്ടിപ്പോയ കരിവളകളുടെ
അവസാന ശ്ര് ഗാരം.
.
എന്റെ കരള്‍ ചില്ലകളില്‍
പുഷ്പത്തെ കിളുര്‍ക്കുന്ന പുളകം
അവള്‍ ..നീലാംബരിപോലെ
എന്റെ ആഴമളക്കുന്നു ,തൊട്ടിലാട്ടുന്നു.
പെന്‍ഡുലം പോലെ ആ മിഴികള്‍ക്കിടയില്‍
ആന്തോളനം എന്‍ ജീവിതം
അവള്‍ ..സൂര്യകാന്തി പൂക്കള്‍ക്കിടയിലൂടെ
പറന്നു പോകുന്ന കറുത്ത കാക്ക
മരണത്തിന്റെ ശൂന്യാകാശത്തിലേക്കു
എന്തോ പെറുക്കി കൂട്ടി അത് പറക്കുന്നു .
അവള്‍ നിശ്ചയിക്കപെട്ട എന്റെ ദുരന്തം
പ്രണയത്തിന്റെ പ്രഹെളികയില്‍
എന്നെ ഇല്ലാതാക്കുന്ന ദേവീ കടാക്ഷം
എന്റെ പ്രണയിനീ..
നിന്നെക്കുറിച്ചറിയാന്‍ ഞാനെത് ദൂരമാണ്
താന്ടെണ്ടത് ..
എന്റെ സഖീ ..നിന്നിലെക്കെത്താന്‍ ഈ മനസ്സില്‍
ഒരു ചുംബനത്തിന്റെ അകലം മാത്രം ...




.



.