സുഹ്രുത്തെ..

മരണം ഒരു സ്വകാര്യം പോലെ വന്നെത്തുകയായി...
കിഴക്കോട്ടോ പടിഞാട്ടോ തിരിയാന്‍ നിവര്‍ത്തിയില്ല..
വടക്കുനിന്നോ തെക്കു നിന്നോ ഒരാശ്വാസമില്ല..
അതൊരു ചുറ്റപ്പെട്ട ദുരന്തം പോലെ അത്ര അടുത്തു വന്നു കഴിഞ്ഞു..
മരണം കാമുകിയുടെ ചുംബനം പോലെ
ശീതളിമ പരത്തി പൂങ്കാറ്റുയര്‍ത്തി'
ഒരു മര്‍മ്മരം പോലെ വരികയായി..
ഒറ്റയടിവെച്ചു ഒരു നോവിന്റെ സൂചനപോലുമില്ലാതെ
അതു വന്നു കണ്ണുപൊത്തുന്ന സമയം
ഇതാ സമാഗതമായി..
ഓടി ഒളിക്കാനിടമില്ലാതെ കരയാന്‍ മറന്നു പോയി
ഞാനിതാ അതിന്റെ ചരടില്‍ കുടുങി പിടയാന്‍ തുടങുകയായി.
സുഹ്റുത്തെ..അവസാനമായി ഞാനെന്തു പറയാന്‍
ഒരു നേരമ്പോക്കിന്റെ വ്യര്‍ത്ഥതപോലുമല്ലാതെ
വെറുതെ കൊഴിഞ്ഞു പോയ ഒരു പാഴ്കിനാവ്‌..
സുഹ്രുത്തെ..എന്തുപറയാന്‍
സ്നേഹത്തെ തൊടാന്‍ ശ്രമിച്ചു വെറുപ്പിനെമാത്രം
എന്നും കണ്ടുമടങിയ ഒരു പാവം പഥികന്‍ ...
സുഹ്റുത്തെ..............