എന്തുത്തരം

 എന്തുത്തരം ?

ചോദ്യങ്ങൾ ശവപ്പെട്ടിയിൽ കിടന്നു മരവിക്കുമ്പോൾ ..

ഒരിടത്തു പിടഞ്ഞു വീഴും ദുരിതങ്ങൾക്കു 

മറുലോകം എവിടെ?

നിദ്രകളിലാഴ്ന്നാഴ്ന്നു പുൽകി മറയുകയാണോ 

നിരന്തരമായ തേടലുകൾ ?

അന്നും ഇന്നും എന്നും ഒരു കവചമായി കരുതിയ 

കിനാവുകൾ ഇന്നെവിടെ ?

നിരാലംബതകളുടെ അസ്തമയ സൂര്യനെ

 തിരിച്ചു പിടിക്കാൻ 

ഞാനെന്തു ചെയ്യണം ?

ഒരു വേള  ഒന്നും കരുതിയതില്ലാതെ 

എങ്ങോ മറഞ്ഞ സ്വപ്‌നങ്ങൾ 

എന്നെ സന്ദർശിക്കാൻ വീണ്ടും വരുമായിരിക്കാം .

അഗാധമെന്നു കരുതാവുന്ന ഒരു വാക്ക് 

അത് ഇനിയും ഉണ്ടാവാത്തതെന്തേ ?

നരകവാതിൽ തല്ലി തുറന്ന് സ്വർഗ്ഗത്തിന്റെ ഒരു ശീതള കാറ്റു 

എന്നെ തലോടി ഉണർത്താൻ ഇനിയും വരാതിരിക്കുമോ ?