സ്വപ്നങ്ങളുടെ ചിറകുകൾ എന്തുകൊണ്ടാകാം
ഉണ്ടാക്കിയിരിക്കുന്നത് ?
കുനു കുനെ പൂക്കുന്ന നൊമ്പരങ്ങളെ കൊണ്ടാകുമോ ?
നഷ്ടപ്പെടുന്ന പ്രതീക്ഷകളുടെ അഴിയാ ചങ്ങലകളെ കൊണ്ടാകുമോ ?
കണ്ണ് പൊത്തി കളിക്കുമ്പോൾ നിന്നിൽ അറിയാതെ വിടരുന്ന
നുണക്കുഴി പൂത്തിരി കൊണ്ടാകുമോ ?
സ്വപ്നങ്ങളുടെ ചിറകുകൾ എന്തുകൊണ്ടാകാം ?
മിണ്ടാതെ അടയിരിക്കുന്ന അവളുടെ
പരിഭവങ്ങൾ കൊണ്ടാകുമോ ?
എന്തുകൊണ്ടാകാം ?
അസുലഭമെന്നോർത്തു അനുദിനം നഷ്ടപ്പെടുന്ന
കനിവിന്റെ തരികൾ കൊണ്ടാകുമോ ?
സ്വപ്നങ്ങളുടെ ചിറകുകൾ എന്തുകൊണ്ടാകാം ?
No comments:
Post a Comment