അവസരം

 വീണുപോയ ഒരു അവസരം ആയിരുന്നു

 എന്ന് തീർച്ചയായും പറയാൻ കഴിയും.  

  നിതാന്ത ജാഗ്രതയോടെ ഞാൻ 

കാക്കേണ്ട ഒര വസരമായിരുന്നു അത്. 

നൂറായിരം കിനാവുകൾ ഊറ്റിയെടുത്താൽ

 പോലും കിട്ടാത്ത ഒര വസരം.!        

എന്നിട്ടും ഞാൻ എന്ത് ചെയ്തു എന്ന് നിങ്ങൾ ചോദിക്കരുത്. 

 അവസരോചിതമായി ഞാൻ ഒഴിഞ്ഞു മാറി. 

അകാലികമായി വരുന്ന ഒരു കാറ്റുവീഴ്ച 

പോലെ ഞാൻ അതിനെ ഒഴിവാക്കി.    

എടുത്തു ഉയർന്നു പോകാവുന്ന സുവർണ്ണ 

നിമിഷത്തെ ഞാൻ ഊതിക്കെടുത്തി.     

 എന്തിനെന്ന് നിങ്ങൾ ചോദിക്കും. ചോദിക്കണം.   

 നിരന്തരമായ വേട്ടയാടലിന് ഒടുവിൽ 

എനിക്ക് മാത്രമായൊരു ഭൂമികയില്ലെന്ന തിരിച്ചറിവ്.   

   നിതാന്തമായ അന്വേഷണങ്ങൾക്കൊടുവിൽ

 ഞാനെന്നിൽ വെറുതെ ചീഞ്ഞൊടുങ്ങുന്നു

 എന്ന ഭീകര യാഥാർത്ഥ്യം.!       

വീണുപോയ ഒരു അവസരം ആയിരുന്നു.   

എന്തിന് ഞാൻ അത് ഒഴിവാക്കിയെന്ന് 

ഇനിയും എന്നോട് ചോദിക്കരുത്.   

   ഇനി  ഒരു അവസരവും തേടി വരാത്ത 

ഒരിടത്തേക്ക് ആയിരുന്നു എപ്പോഴും എന്റെ കണ്ണ്.