സാരി

 ഒരു നിലാവിനെ കൊണ്ട് എനിക്ക്

 നിന്നെ ഒരു സാരി ഉടുപ്പിക്കണം. 

ഒരു നക്ഷത്ര തുണ്ട് കൊണ്ട് പൊട്ടുതൊടീക്കണം.  

 ചന്ദ്രികയെടുത്ത് നിന്റെ മുടിയിൽ തിരുകണം.   

വാരിപ്പുണർന്ന് കോടമഞ്ഞിന്റെ

 കുളിരു മുഴുവൻ കോരി കുടിക്കണം.   

 നിന്റെ ജലാസാന്നിദ്ധ്യമുള്ളിടത്തൊക്കെ 

എനിക്കു പരന്നൊഴുകണം.

ആകാശത്തെരുവിൽ നിൽക്കുന്ന 

ദൈവത്തിന്റെ തോണിയിൽ 

നമുക്കൊന്നിച്ച് കയറണം.      

കാണാ സായൂജ്യസാമ്രാജ്യങ്ങൾ കീഴടക്കണം.