പിടഞ്ഞോടുന്ന ദിനങ്ങൾ.
ഇവയെ ഞാനെന്തു ചെയ്യും?
എന്റെ വരുതിയിൽ നിൽക്കുന്ന
വിദ്യാർത്ഥികളല്ല അവർ.
നിറയെ കുസൃതി ,നിറയെ പുഞ്ചിരി,
നിറയെ കുഴക്കുന്ന ചോദ്യങ്ങളുമായി
തെറിച്ചു തെറിച്ച് എന്നെ ഭ്രാമിപ്പിച്ച്
ചിലപ്പോൾ എന്നെ ഒറ്റക്കാക്കി അവ
എങ്ങോട്ടോ കുതറി പായുന്നു.
ദിനങ്ങൾ -അവയോട് എനിക്ക്
ഒരു സ്വകാര്യവും ഇനി പറയാനില്ല.
കാരണം അവയുമായി
എനിക്കിന്ന് ഒരു ബന്ധവുമില്ല.
എന്നെ അവ കാണുന്നു പോലുമില്ല.
അഥവാ ദിനങ്ങൾക്ക് വേണ്ടതായാൽ
നാം ജീവിതത്തിനും വേണ്ടതാകുമോ??.
No comments:
Post a Comment